Qlaukomaqara su

Qlaukoma görmə sinirinin tədricən zədələnməsidir, xalq arasında «qara su» adlanır. Ən təhlükəli cəhəti səssiz getməsidir: insan görməsinin bir hissəsini itirənə qədər heç nə hiss etməyə bilər.

Görmə siniri (optik disk) göz dibində

Niyə «səssiz» xəstəlikdir?

Görmə siniri gözdən beyinə siqnal ötürən minlərlə lifdən ibarətdir. Qlaukomada bu liflər yavaş-yavaş məhv olur. Görmə əvvəlcə kənarlardan daralır, mərkəz isə uzun müddət qorunur. Ona görə insan oxuya, televizora baxa bilir və problemi hiss etmir.

Açıq və qapalı bucaqlı qlaukoma

Açıq bucaqlı

Yavaş və ağrısız

  • Ən çox rast gəlinən formadır
  • Şikayət gec yaranır
  • Kənar görmə tədricən itir
  • Son mərhələdə «tunel görmə» qalır
Qapalı bucaqlı

Kəskin tutma

  • Gözdə və başda güclü ağrı
  • Ürəkbulanma, qusma
  • Bulanıq görmə, gözdə qızartı
  • İşıq ətrafında rəngli halqalar

Əlamətlər

  • Erkən mərhələdə əlamətsiz gediş
  • Görmə sahəsinin kənarlardan daralması
  • Tunel görmə
  • Kəskin tutmada göz ağrısı və qızartı

Müalicə

  • Antiqlaukomatoz damcılar
  • Selektiv lazer trabekuloplastika (SLT)
  • Arqon lazer trabekuloplastika (ALT)
  • Lazer iridotomiya
  • Cərrahi müalicə

Kəskin tutma təcili haldır

Qapalı bucaqlı qlaukomanın tutmasında saatlar ərzində görmə ciddi zədələnə bilər. Belə əlamətlər yaranarsa, səhəri gözləmədən oftalmoloqa və ya təcili yardıma müraciət edin.

Suallar

Qlaukoma tam sağalırmı?

Xeyr, qlaukoma ömürlük nəzarət tələb edən xəstəlikdir. Zədələnmiş sinir lifləri bərpa olunmur, ona görə erkən diaqnoz qalan görməni qorumağın əsas yoludur. Düzgün müalicə və müntəzəm kontrol xəstəliyin irəliləməsini ləngidir.

Qlaukoma damcılarının yan təsiri olurmu?

Ola bilər: gözdə qızartı, yanma, kirpiklərin uzanması, göz ətrafı dərinin tündləşməsi. Bəzi damcılar ürək ritminə və nəfəs yollarına da təsir edə bilər, ona görə astma və ürək xəstəliyiniz varsa, həkimə mütləq deyin. Narahatlıq olarsa, damcını özbaşına dəyişməyin.

Lazer müalicəsi ağrılıdırmı?

Prosedur anestezik damcı ilə, ambulator şəraitdə aparılır və adətən ağrısızdır. Sonra göz təzyiqi yoxlanılır. Lazerdən sonra damcıya ehtiyac azala bilər, lakin həmişə tam aradan qalxmır.